Konkurenca është e dëmshme ose e dobishme?

Disa mendojnë se konkurenca ndikon negativisht në bizneset e tyre private, kurse disa mendojnë se sa më e madhe të jetë konkurenca, aq më e dobishme dhe më e vlersueshme bëhet biznesi.

Në vazhdim ju sjellim disa arsye pozitive që çdo kush nga ju duhet ti dijë në lidhje me konkurencën, edhe atë:

-Pa konkurrencë, do të jeni të qetë dhe nuk do të keni kurrë shqetësime. Me konkurrencën përrreth, ju do të jeni më shumë aktiv dhe do të kapni çdo lëvizje të biznesit tuaj, në mënyrë që të mbeteni në krye të lojës tuaj për të pasur sukses. Konkurrenca ju bën të shihni gjëra që normalisht nuk do t’i shihnit në mungesë të saj.

-Me anë të konkurrencës, arrini të masni performancën tuaj. Të dini se çfarë po bëni mirë dhe çfarë është e gabuar, është në anën tuaj, është një përfitim për ju. Kjo ju ndihmon të përcaktoni se ku dëshironi të arrini si individ.

-Ndihmon për të menaxhuar suksesin dhe dështimin. Sigurisht, në çdo mjedis konkurrues ka pengesat dhe sukseset e tij. Mënyra se si ju përballoni këto situata, tregon formimin dhe karakterin tuaj. Konkurrenca na detyron të merremi me të dy palët e medaljes, dhe kjo është arsyeja pse sportet janë një përvojë e shkëlqyeshme e të mësuarit. Ajo i ndihmon ata të merren me fitimin dhe humbjen dhe si reagojnë ndaj saj, që është një aftësi thelbësore për të zotëruar ndërsa menaxhoni jetën tuaj në moshën e rritur.

-Pa konkurrencë, nuk do të kishim asnjë arsye të vazhdonim. Ne nuk do t’i dinim kufijtë tanë dhe sa larg mund t’i shtrijmë ato.

-Ndërsa duhet të ecni përpara, jeni i detyruar të planifikoni. Ju duhet të keni një drejtim dhe një qëllim. Pa konkurrencë, nuk do ta dini se ku është vija e përfundimit. Si do të arrini atje? Nevojitet të kesh një “hartë” të qartë dhe të saktë të asaj që duhet të bësh për të arritur aty ku dëshiron të jesh.

Konkurrenca ju shtyn të keni një plan për të realizuar, sepse kjo është mënyra e vetme në të cilën mund të jeni vërtet në lojë dhe të keni një shans për të fituar.