Kuvendi i Maqedonisë së Veriut voton vazhdimin e gjendjes së krizës edhe për 6 muaj

Me 83 vota pro, asnjë kundër dhe asnjë abstenim, deputetët votuan shtyrjen e krizës energjetike në të gjithë territorin e vendit.

Debati në Kuvend u zhvillua në drejtim të akuzave për raportet mes pushtetit dhe opozitës pasi VMRO-DPMNE kërkoi që shumica parlamentare të pranojë dorën e shtruar nga lideri i VMRO-DPMNE-së Hristijan Mickoski për prokurimin e asaj që thonë për rrymë dy herë më të lirë përmes kontakteve të tij, për çka përsëri Ministri Bekteshi ka treguar se është i gatshëm të ulet dhe të bisedojë me Mickoskin, por vetëm nëse Mickoski publikisht i shpall kontaktet që ka.

Diskutimi i komisionit për vazhdimin e krizës zgjati 5 ditë para se të vinte në seancë plenare.

Qeveria dhe opozita vazhdojnë të qëndrojnë në të njëjtën problematikë, pasi kryeministri Kovaçevski doli me pakon e ligjeve për të cilat ai apelon që të gjithë në Kuvend të bashkohen dhe t’i votojnë, ndërsa VMRO-DPMNE-ja opozitare do të vazhdojë të insistojë në Seancë urgjente në kuvend për ndryshimin e Ligjit për energjinë, ku përveç institucioneve shëndetësore dhe arsimore, u kërkua që të kenë rrymë më të lirë edhe ndërmarrjet e ujësjellësit dhe ato komunale.