Xherdan Shaqiri: Ka qenë një ëndërr e imja të luajë në Kosovë

“Do të jetë një lojë e veçantë”, ka pranuar Shaqiri.

“Mezi pres të jem në fushën ku kam lindur. Ka qenë gjithmonë një ëndërr e imja. Është e mrekullueshme që mund ta përjetoj këtë me kombëtaren e Zvicrës”, ka thënë Shaqiri duke pohuar se pritjet për këtë ndeshje janë të mëdha.

“Bëhet fjalë për tri pikë, ne duhet të paraqitemi mirë”, tha Shaqiri duke bërë të qartë që Zvicra do të luftojë për fitore duke lënë anash lidhjet e tij me Kosovën.

“Disa anëtarë të familjes që janë atje do të më shohin për herë të parë duke luajtur. Shpresoj që ata të jenë me mua në këtë ndeshje dhe për Zvicrën”, ka thënë ai.