Të paktën 11 persona humbën jetën dhe 64 u plagosën në sulmet ajrore ruse në Ukrainë ditën e sotme, njoftoi shërbimi i emergjencës shtetërore ukrainase.
Më herët kishte informacione për 10 të vdekur dhe 60 të plagosur, si pasojë e sulmeve ruse në zona të ndryshme të territorit të Ukrainës.
Ministri i Punëve të Jashtme të Ukrainës, Dmytro Kuleba, shkroi në Twitter se marrëzitë se Putini u provokua duhet të ndalen.
“Ai nuk ka nevojë për asgjë që ta ‘provokojë’ për të kryer krime të tmerrshme”, thekson ministri ukrainas.
