”Pjestarë të policisë të SPB-Tetovë, sot (31-gusht) rreth orës 10:30 në Sedllarcë të Poshtme të Tetovës, kanë privuar nga liria 53-vjeçarin T.B. nga Shtipi. Ai dyshohet se në periudhën prej 20 qershorit të këtij viti ka kryer pesë vjedhje në kishat në Komunën e Jegunovcës. Ai përdorte forcën për të hyrë në ndërtesa dhe zakonisht kishte vjedhur para, të cilit i janë gjetur dhe konfiskuar mjete të ndryshme me të cilat ka hyrë në objekte. T.B nga Shtipi është ndaluar në Stacionin Policor-Tetovë dhe pas dokumentimit të plotë të rastit do të përpilohet parashtresë përkatëse” – thuhet në kumtesën e SPB-Tetovë. /KlanMacedonia/
