Liverpool do të presë Eurosong në maj 2023

EBU ka publikuar logon zyrtare për Festivalin e 67-të të Këngës në Eurovizion, me flamurin ukrainas në zemër. ( 08/10/2022 10:10 )

Zvicër – Eurosong 2023 do të mbahet në Mbretërinë e Bashkuar, pas fitores së Orkestrës Kalush për Ukrainën në Torino në maj, pasi u vendos që eventi të mos mund të mbahej në vendin fitues për arsye sigurie.

Finalja e Madhe e Eurovision Song Contest 2023 do të zhvillohet në Liverpool Arena pranë lumit Mersey të shtunën më 13 maj, me gjysmëfinalet më 9 dhe 11 maj.

BBC, së bashku me EBU, do të organizojnë ngjarjen e vitit të ardhshëm në konsultim me UA:PBC, shërbimin e transmetimit publik të Ukrainës.

Liverpooli u zgjodh pas një procesi të fuqishëm tenderimi të qytetit që shqyrtoi lehtësirat e vendit të ngjarjes, aftësinë për të akomoduar mijëra delegacione vizitore, ekuipazh, tifozë dhe gazetarë, infrastrukturën e qytetit pritës dhe ofertën kulturore për të pasqyruar fitoren e Ukrainës në 2022, ndër kritere të tjera.

Një listë e shkurtër prej 7 qytetesh, e cila përfshinte Birmingham, Leeds, Manchester, Sheffield dhe Newcastle, u shpall në gusht, përpara se të zvogëlohej në 2 në shtator.

Glasgow dhe Liverpool u lanë më pas në garë për të pritur ngjarjen më të madhe të muzikës live në botë, duke arritur mbi 175 milionë shikues në TV dhe në internet në vitin 2022.