“Në sallë kanë hyrë njerëz të panjohur dhe pa licencë nga Serbia”, Demiri: Shokarevski ka bërë shkelje ligjore

“Ka bërë shkelje ligjore, të cilat shkelje ligjore unë i kam paraqitur në Prokurori. Konsiston në prishjen e raporteve ndërnjerëzore brenda, konsiston në eleminimin e një kuadri i cili është kualitet, dhe kardiokirurg i pavarur dhe është themelues i Kardiokirurgjisë, konsiston në anashkalimin e kardiokirurgëve të tjerë, konsiston në sjelljen e ekspertëve prej Dedinjes së Serbisë, që është program i paracaktuar për ekspertë me përvojë dhe karrierë ndërkombëtare, jo për ekspertë anonimus, janë të panjohur, janë pa licenca, kanë hyrë në salla, ato janë shkelje ligjore në mënyrë drastike. Dhe kanë diku 170 histori të pacientëve që nuk janë të evidentuara në Terminin Tim”, tha mes tjerash Demiri, i cili shtoi se askush nuk është mbi ligjin.