Ndalimi i benzinës dhe naftës nga viti 2035

Evropa ka rënë dakord – të gjitha makinat e reja nga viti 2035 do të jenë pa emetim. Pas një periudhe jo shumë të gjatë të marketingut të idesë së nismës, negociatorët e vendeve anëtare të Bashkimit Evropian, Parlamentit Evropian dhe Komisionit Evropian, që përgatit ligjet, ranë dakord që prodhuesit e makinave të mos shesin automjete të reja me lëndë djegëse fosile.Kjo marrëveshje paraqet një sukses të madh për ekologjinë, e cila përkundër lobimeve të forta, deri më tani ka qenë e pasigurt për shkak të protestave të disa vendeve. Sipas tij, standardet e reja për emetimin e dyoksidit të karbonit do të futen në faza, sipas të cilave deri në vitin 2030 duhet të reduktohet mesatarja e emetimeve për 55 për qind për veturat dhe për 50 për qind për automjetet dërguese. Pesë vjet pas kësaj, të gjithë duhet të jenë 100 për qind të pastër.Ky vendim është një sinjal i qartë për prodhuesit e automjeteve që të përshpejtojnë planet e tyre të elektrifikimit. Kalimi në një makinë miqësore me mjedisin do të ndihmojë në arritjen e qëllimit përfundimtar për ta bërë klimën e transportit neutral deri në vitin 2050.

Megjithatë, prodhuesit e vegjël që shesin më pak se një mijë automjete, kryesisht hipermakina, do të përjashtohen nga detyrimi për zero emisione. Ata që prodhojnë deri në dhjetë mijë automjete do të kenë një vit më shumë për të pastruar makinat e tyre.I vetmi skenar i mundshëm që motorët me djegie të brendshme nga prodhues të tjerë të mbijetojnë është përdorimi i karburanteve sintetike të marra nga burime të rinovueshme. Për ne është domethënëse që edhe pse jozyrtarisht përmendet se në të ardhmen këto rregulla të reja pritet të pranohen nga vendet kandidate për në Bashkimin Evropian, ndër të cilat është edhe Maqedonia./avtomagazin