KSHZ-ja ka pranuar ankesën e VLEN-it për vendvotimin 2101

Komisioni Shtetëror Zgjedhor vendosi që në Zhelinë në fshatin Llërc në vendvotimin 2101 të përsëritet procesi i votimit. Nga ankesa e koalicionit VLEN u konstatua se në kutinë e votimit është gjetur një fletëvotim më tepër, ndërsa mungojnë tre fleta të votimit nga materiali i mbetur.

“Dua t’i pyes shërbimin juridik dhe arkivën për mënyrën se si janë sjell këto ankesa dhe përfaqësuesit e autorizuar nga pjesëmarrësit në zgjedhje. Kush i ka sjell dhe mënyrën se si i kanë sjellë. Nuk ju lejoj fyerje dhe shpifje dhe nënvlerësime ndaj meje, pavarësisht që jam femër ose që jam nga një etni tjetër. Nuk do t’ju toleroj të më nënçmoni”, tha Ditmire Shehu, Nënkryetare e KSHZ-së.