Viti i ri me problemet e njejta për Gazën 👇🏻

Të paktën 12 palestinezë kanë vdekur si pasojë e sulmeve izraelite në Rripin e Gazës, në natën e Vitit të Ri. Viktimat kryesisht janë gra dhe fëmijë, bënë të ditur zyrtarët shëndetësorë palestinezë të mërkurën.

Ministria e Shëndetësisë e Gazës bëri të ditur se në Jabalia shtatë persona u vranë, duke përfshirë një grua dhe katër fëmijë. Dhjetëra të tjerë u plagosën. Një tjetër sulm gjatë natës në kampin e refugjatëve Bureij në Gaza qendrore la të vdekur një grua dhe një fëmijë, raporton AP.