Efektivët e policisë të Gostivarit të hënën në orën 10:15 kanë privuar nga liria personat A.D. (27), A.D. (21) dhe I.D. (48) nga Gostivari, për shkak të dyshimit të përfshirjes së tyre të mëparshme në një përleshje fizike që ndodhi në rrugën “Shumatovska”, në të cilën ishin gjithashtu të përfshirë personat B.J. (24), F.J. (51) dhe A.J. (27), gjithashtu nga Gostivari. Në përleshje, sipas raportit, është përdor një mjet i mprehtë, ndërsa arsyeja për të ishte keqkuptime rreth parkimit të automjeteve. Janë ndërmarrë masat për zbardhjen dhe dokumentimin e rastit.
